ہم ایسے لوگ کہاں زندگی گزارتے ہیں بس اتنا سوچتے ہیں کل کلاں بچی رہے گی

نہیں رہے گا کہیں کچھ تو جاں بچی رہے گی
خدا کا شکر ہے جائے اماں بچی رہے گی

کسی نے ہاتھ پڑھا ہے مرا بتایا ہے
یہ اک لکیر جو ہے رائیگاں بچی رہے گی

زمین جانتی ہے عاجزی درون و بروں
اسے پتہ ہے تہہِ آسماں بچی رہے گی

بڑھاتے جاؤ ذخیرہ کرو اداسی کو
خرچ ہوئی تو بھلا پھر کہاں بچی رہے گی

ہم ایسے لوگ کہاں زندگی گزارتے ہیں
بس اتنا سوچتے ہیں کل کلاں بچی رہے گی

ذرا سی زیادہ ہمیں دے گیا محبت تُو
ہمارے پاس تو ساری میاں! بچی رہے گی ❤️

ذکی عاطف