روشنی دھند کی چادر میں لپٹ سکتی ہے میں نے جگنو سےکہا تھا کہ پلٹ کر مت دیکھp

سرّ ِ وحشت ہے، قدم کھینچ، اچٹ کر مت دیکھ
منظرِ دشتِ غزل ہے اِسے کٹ کر مت دیکھ

روشنی دھند کی چادر میں لپٹ سکتی ہے
میں نے جگنو سےکہا تھا کہ پلٹ کر مت دیکھ

تاب داں کھول کے رستے کی طرف دیکھتا رہ
گھر کی دیوار پہ تصویر سمٹ کر مت دیکھ

خانۂ دہر سے یوں سیرِ طلب کو نہ اٹھا
کوزہ گر کاسہء وحشت کو الٹ کر مت دیکھ

یہ جو محرومیء گلزار میں سر پیٹتے ہیں
اپنے پہلو سے اٹھا ان سے لپٹ کر مت دیکھ