ہم سے پوچھ ناں شہروں میں کیا گزری ہے تُو نے ویرانے میں وحشت کی اور بس

تجھ کو سوچا تیری حسرت کی اور بس
ہم نے ساری عمر محبت کی اور بس

ہم سے پوچھ ناں شہروں میں کیا گزری ہے
تُو نے ویرانے میں وحشت کی اور بس

کس نے کیسے عمر گزاری تجھ کو کیا
تُو نے تو کچھ دیر رفاقت کی اور بس

دل نے آخری سانس تلک تاوان بھرا
آنکھوں نے اِک خواب کی نیّت کی اور بس

کون مجھے کیا سمجھا میثم مجھ کو کیا
میں نے تو ہر شخص کی عزت کی اور بس