اردو شاعری بیت بازی - Urdu Bait Baazi

 وہ میرے عشق سے ہے سرخ و سفید 

ابھی بچھڑوں تو ۔۔۔۔۔ سانولا ہوجائے 

 ‏یار پیڑوں کی اداسی نہیں دیکھی جاتی

‏مجھ سے مت ملنا، مگر گاؤں تو آنا جانا

 میں سوچتا ہوں نجانے کہاں سے آگئے ہیں

ہمارے بیچ زمانے کہاں سے آگئے ہیں

میں شہروالا سہی ، تو تو گاؤں زادی ہے

تجھے بہانے بنانے کہاں سے آگئے ہیں 

علی زریون

 تم  نے  بھی  ان  سے  ہی  ملنا  ہوتا  ہے

جن  لوگوں  سے  میرا  جھگڑا  ہوتا  ہے

اس کے گاؤں کی ایک نشانی یہ بھی ہے

ہر   نلکے  کا    پانی   میٹھا    ہوتا    ہے

ضیاء مذکور

 ‏جھوٹ اور حرص کی دنیا سے پرے رہتے ہیں

‏چل مِرے گاؤں، جہاں لوگ کھرے رہتے ہیں

‏یار! ہم لوگ ہیں ہاری ہوئی منّت کے چراغ

‏جو کہ محراب میں کونے پہ دھرے رہتے ہیں

 ‏تیرے جیسا کوئی ہوتا تو یقیناً ملتا

‏گاؤں تو گاؤں ہیں شہروں کو کھنگالا میں  نے

‏تیز چاقو سے ترا نام لکھا بیس جگہ

‏تیرا غصہ بھی درختوں پہ نکالا میں  نے

 تو دیکھ لینا ہمارے بچوں کے بال جلدی سفید ہونگے

ہماری چھوڑی ہوئی اداسی سے سات نسلیں اداس ہونگی

یہ جس کی بیٹی کے سر کی چادر کئی جگہ سے پھٹی ہوئی ہے

تم اس کے گاؤں میں جا کے دیکھو  تو آدھی فصلیں کپاس ہونگی

دانش نقوی