میں کیا کروں مرے بازو بدن کے ساتھ نہ تھے عدو سے لڑنی پڑی یار کے بغیر ہی جنگ

کسی زرہ کسی  ہتھیار کے بغیر ہی جنگ
یہ سرد جنگ ہے آزار کے بغیر ہی جنگ
۔۔۔۔۔۔۔۔۔۔۔۔۔۔
کسی طرح بھی منافق کی پیروی نہیں کی 
سو لڑنے آئے ہیں سالار کے بغیر ہی جنگ
۔۔۔۔۔۔۔۔۔۔۔۔۔۔
محاذِ  قبر پہ خود اپنی لاش لے آیا
لڑی ہے میں نے عزادار کے بغیر ہی جنگ
۔۔۔۔۔۔۔۔۔۔۔۔۔۔
میں کیا کروں  مرے بازو بدن کے ساتھ نہ تھے
عدو سے لڑنی پڑی یار کے بغیر ہی جنگ
۔۔۔۔۔۔۔۔۔۔۔۔۔۔
صحابیوں سا عقیدہ ہو ہر سپاہی کا
تو جیتی جاتی ہے تلوار کےبغیر ہی جنگ
۔۔۔۔۔۔۔۔۔۔۔۔۔۔

احمد آشنا