ﻭﮦ ﺑﻨﺠﺮ ﮐﮭﯿﺖ ﮐﮯ ﺣﺼﮯ ﮐﺎ ﭘﺎﻧﯽ ﺑﯿﭻ ﺩﯾﺘﺎ ﮨﮯ
ﮐﺒﮭﯽ ﺩﺭﯾﺎ ﮐﺒﮭﯽ ﺍﺳﮑﯽ ﺭﻭﺍﻧﯽ ﺑﯿﭻ ﺩﯾﺘﺎ ﮨﮯ

ﮐﺴﯽ ﺑﮭﯽ ﻣﻨﻄﻘﯽ ﺍﻧﺠﺎﻡ ﺗﮏ ﺟﺎﻧﮯ ﻧﮩﯿﮟ ﺩﯾﺘﺎ
ﮐﺴﯽ ﮐﺮﺩﺍﺭ ﺳﮯ ﻣﻞ ﮐﺮ ﮐﮩﺎﻧﯽ ﺑﯿﭻ ﺩﯾﺘﺎ ﮨﮯ

ﮐﺴﯽ ﺗﺎﺯﮦ ﻣﺤﺒﺖ ﮐﯽ ﺧﺮﯾﺪﺍﺭﯼ ﮐﯽ ﺧﺎﻃﺮ ﻭﮦ
ﮐﺴﯽ ﭘﭽﮭﻠﯽ ﻣﺤﺒﺖ ﮐﯽ ﻧﺸﺎﻧﯽ ﺑﯿﭻ ﺩﯾﺘﺎ ﮨﮯ

ﮐﻮﺉ ﺗﺤﺮﯾﺮ ﺑﮭﯽ ﭘﺎﺑﻨﺪ ﮐﺮ ﺳﮑﺘﯽ ﻧﮩﯿﮟ ﺍﺱ ﮐﻮ
ﻭﮦ ﺩﺳﺘﺎﻭﯾﺰ ﮐﻮ ﺑﮭﯽ ﻣﻨﮧ ﺯﺑﺎﻧﯽ ﺑﯿﭻ ﺩﯾﺘﺎ ﮨﮯ

ﺍﺳﮯ ﺗﺒﺪﯾﻞ ﮨﻮﻧﮯ ﻣﯿﮟ ﺫﺭﺍ ﺳﺎ ﻭﻗﺖ ﻟﮕﺘﺎ ﮨﮯ
ﻧﺌﯽ ﭘﻮﺷﺎﮎ ﻣﻠﺘﮯ ﮨﯽ ﭘﺮﺍﻧﯽ ﺑﯿﭻ ﺩﯾﺘﺎ ﮨﮯ

ﺟﻮ ﮨﻮﺗﮯ ﮨﯽ ﻧﮩﯿﮟ ﮐﺎﻏﺰ ﭘﮧ ﻭﮦ ﻧﻘﺸﮯ ﺑﻨﺎ ﻟﯿﻨﺎ
ﮔﻤﺎﮞ ﺍﯾﺠﺎﺩ ﮐﺮ ﮐﮯ ﺧﻮﺵ ﮔﻤﺎﻧﯽ ﺑﯿﭻ ﺩﯾﺘﺎ ﮨﮯ